НЕМА ПАРИ ЗА УЧЕБНИЦИ, А ИМА ЗА ТЕНДЕРИТЕ НА БРАТОТ НА ГРУБИ Опозициската ВМРО-ДПМНЕ не му верува на министерот за образование
„Владата има пари да плати надзор од 22 милиони евра, поскап и до 7 пати споредено со други проекти, а нема за учебници. СДС и ДУИ имаат пари за тендерите во РЕК, а немаат за учебници. Власта има пари за приоритетите на Ковачевски и Груби, но нема за учениците“, се наведува во партиското соопштение на ВМРО-ДПМНЕ.
Изјавата на министерот за образование Јетон Шаќири дека нема пари за да се испечатат сите учебници за средно образование е доказ дека за СДСМ и ДУИ приоритет не е образованието и учениците, туку криминалните тендери на фирми блиски до власта. Власта имаше пари да префрли над 1 милион денари на братот на Груби, а нема за учебници, обвинуваат од ВМРО-ДПМНЕ.
„Владата има пари да плати надзор од 22 милиони евра, поскап и до 7 пати споредено со други проекти, а нема за учебници. СДС и ДУИ имаат пари за тендерите во РЕК, а немаат за учебници. Власта има пари за приоритетите на Ковачевски и Груби, но нема за учениците“, се наведува во партиското соопштение.
ВМРО-ДПМНЕ посочува дека потребни се промени.
„Власта не е способна да ги реализира работите заради кои всушност постои, како нормално и достапно образование, а сака по секоја цена да остане месец повеќе. Која е целта на владеењето, ако не се способни да го одржат системот, а не пак да го унапредат? Потребни се промени“, велат од партијата на Христијан Мицкоски.