Ѝ ЈА ОТСЕКОА ГЛАВАТА НА ЕЛКАТА ВО БЕРЛИН Еко-активисите се сериозни, „ова е само врвот на климатската криза“
Досега го гледаме само врвот на длабоката климатска криза во Германија, изјави активистката Лили Гомез, истакнувајќи дека „додека цела Германија го поминува викендот купувајќи скапи подароци, други нации се прашуваат каде да се најде вода за пиење откако сушата и поплавите им ги уништија посевите".
Еко-активисти го отсекоа врвот на елката пред Бранденбуршката порта во Берлин, јави ДПА. Членови на протестното движење „Последна генерација” употребија хидраулична дигалка за да го достигнат врвот на 15-метарската елка украсена со светилки и божиќни играчки. На врвот на дрвото истакнаа парола „Ова е само врвот на елката”, по што истиот го отсекоа.
– Досега го гледаме само врвот на длабоката климатска криза во Германија – изјави активистката, Лили Гомез, истакнувајќи дека „додека цела Германија го поминува викендот купувајќи скапи подароци, други нации се прашуваат каде да се најде вода за пиење откако сушата и поплавите им ги уништија посевите”.
Според Гомез, „во Германија се наѕира климатска катастрофа, а федералната Влада не вложува напори да не заштити”.
German activists chopped off the top of a Christmas tree next to the Brandenburg Gate in Berlin on Wednesday, their latest protest pushing for greater action to combat the climate crisis. https://t.co/9w7RoPfL5e pic.twitter.com/y92nT9YQVo
— RTL Today (@rtl_today) December 21, 2022
Полицијата презела мерки против демонстрантите, но не даде повеќе детали.
Од почетокот на годината, движењето „Последна генерација” блокираше улици во Берлин и другите поголеми градови барајќи радикална промена на владината политика за справување со климатските промени. Организираше и протестни акции во музеи, стадиони, министерства и на аеродроми.