ЌУЧУК Е „ЗА“ ДА СЕ КРЕНЕ ВЕТОТО ЗА МАКЕДОНИЈА Пристапот 4 плус 1 ги гарантира правата на Бугарите, Хрватите и на Црногорците

Бугарскиот европратеник Илхан Ќучук изненади со својот став да се крене бугарското вето за Македонија на денешниот форум во Бугарија, пишува БТВ. Различно од официјалнио став на земјата, кој го повтори и министерката за надворешни работи Теодора Генчовска, дека вклучувањето на Бугарите во македонскиот Устав е предуслов за да се одржи првата меѓувладина конференција, Ќучук изјави:

– Пристапот 4 плус 1 ги гарантира правата на Бугарите и Хрватите и Црногорците да бидат вградени во Уставот на Северна Македонија. Како тоа може да се случи е прашање на долг разговор. Според мене, најреално е ако се укине ветото и Бугарија даде зелено светло за првата меѓувладина средба и отворањето на првото поглавје за да се најде начин Бугарите да се вклучат во уставот како конститутивен елемент – изјави европратеникот Илхан Ќучук.