МУ ГО СПАСИ ЖИВОТОТ НА ЕРИКСЕН Капитенот Кјаер ја прими наградата од УЕФА

Добитници на претседателската награда на УЕФА се данскиот капитен Симон Кјаер, членовите на данскиот лекарски тим, Мортен Скојлдагер и Мортен Боесен, медицинскиот тим на „Паркен“ стадионот во Копенхаген, Моргенс Кронцфилд и Фредерик Фленстед, Андрес Боесен и Педер Есгард, како и медицинските работници на УЕФА, Јенс Клејнефелд и Валентин Великов.

Сите споменати дадоа свој придонес во спасување на животот на најдобриот дански фудбалер Кристијан Ериксен, кој на натпреварот меѓу Данска и Финска на ЕУРО 2020 колабираше на теренот во 43 минута и претрпе срцев удар.

Благодарение на брзата реакција на целата лекарска екипа, Ериксен преживеа и целосно се рехабилитираше по неколкудневен престој во болница.

На оние наградени, кои вечерва не беа во можност да присуствуваат на свеченоста во Истанбул, признанието лично ќе им го врачи претседателот на УЕФА, Александар Чеферин.