Заев: Ветото е непочитување на Договорот, нивниот став е навредлив за нашиот народ (ВИДЕО)

Претседателот на владата, Зоран Заев се обрати на јавноста по повод бугарското вето на патот на Македонија кон ЕУ.

– На овој ден се слуша големо разочарување кај сите нас. Бугарија стави вето, го прекрши Договорот за добрососедство, и застана на патот на нашата европска интеграција, за која во многу случаи сите земји потврдија дека ги исполнуваме условите – рече премиерот.

– Тоа не е европски начин, Бугарија не собра сили да се однесува европски. Тие направија гест кој не покажува ниту пријателство, ниту братство. Нивниот став е навредлив за целиот наш народ“, изјави Заев и допоплни дека не е европски, ниту демократски во ова време некому да му наметнувате како да се чувствува и како да се изразува – вели Заев.

– Во 21. век не е европски, ниту демократски да му кажете некому како да асе чувствува, како да се однесува. Не е европски да му наметнувате идентитет на друг народ. За Северна Македонија и македонскиот народ не се прифатливи овие услови. Затоа застанавме цврсто во одбрана на македонските национални интереси. Не дозволивме да се чешка во македонскиот идентитет – рече меѓудругото Заев.

Целото обраќање на премиерот низ видеото: