Пол Макартни ја објасни заблудата околу распаѓањето на „Битлси“

Пол Макартни откри зошто ги тужел „Битлси“ откако бендот се распаднал, со што се расчистил една од најголемите заблуди за нивното распаѓање.

Како што е познато, Макартни официјално го најавил своето заминување од групата на 10 април 1970 година, како резултат на несогласувањата со Џон Ленон, Џорџ Харисон и Ринго Стар.

Потоа, тој поднесе тужба барајќи официјално распуштање на групата, а по тужбата што траела со години, Макартни ги доби музичките права на групата под етикетата ЕМИ и музичкиот издавач Ален Клајн.

Во интервјуто за магазинот „ЏејКју“, Макартни рекол дека поради тој потег, бил прогласен за виновен за распадот на групата и дека бил груб што ги тужел своите пријатели. Музичарот рече дека тужбата била единствениот начин на кој музичките права на групата не дошле во сопственост на луѓе за кои сметал дека не работат во интерес на „Битлси“.

– Единствениот начин да ги спасиме „Битлси“ и „Епл“, кој ни овозможи да ја објавиме „Anthology“  и да не дојде до бришење на сите одлични песни, беше тужбата – рекол Макартни.

– Да не го сторев тоа, сите права би му припаѓале на Клајн. Единствениот начин да се извлечеме од тоа беше судска постапка – додава музичарот.

Вели дека сакал да го тужи Ален Клајн, но бидејќи не бил вистинската цел, музичарот морал да го тужи матичниот бенд. Тој рече дека поради тоа, сите со години мислеле дека членовите на групата се мразат едни со други, што тој го нарекол заблуда.

Макартни додаде дека било страшно да се тужи групата затоа што тој бил единствениот кој не му верувал на Клајн, додека на останатиот дел од групата им се допаѓал.

„Им реков: „Тој е идиот“.“

Макартни рекол дека кавгите довеле до распаѓање на групата, поради фактот што „и семејствата се расправаат“ и додал: „Некои луѓе сакаат едно, а други сакаат друго“.