Советниците на ВМРО-ДПМНЕ на Град Скопје: Шилегов еден ден вели ќе ја гради Универзална сала, другиот ќе ја руши, а третиот лее крокодилски солзи

Советничкатa група на ВМРО-ДПМНЕ на Град Скопје денеска се огласи со соопштение до градоначалникот Петре Шилегов, а во врска со неговите изјави за Универзалната сала.

„Им ветив на Златните славејчиња дека во новиот објект ќе го слават 50-годишниот јубилеј“ – рече Шилегов во мај 2018.

Вети и излажа. Ова се зборови на Шилегов.

Трета година е градоначалник на градот Скопје и нема никакви оправдувања за неговата неработа.

Шилегов даваше ветувања дека Универзална сала ќе биде реконструирана. Влада во Република Македонија трета година е токму неговата политичка опција. Наместо да си ја префрла топката влада-град Скопје, всушност тој ја потврдува неговата изразена неспособност да решава проблеми.

Шилегов се однесува како подвоена личност. Еден ден вели ќе ја гради Универзална сала, друг вели ќе ја руши, а третиот лее крокодилски солзи за салата и пак не нуди решение. Сето е доказ за неговата неспособност – се вели во соопштението.