Донација од „Озон голд“ за подобар имунитет на медицинските лица на Инфективна

Брендот „Озон голд“ донираше озонирано маслиново масло за подобар имунитет на медицинскиот персонал на Универзитетската клиника за инфективни болести и фебрилни состојби во Скопје.

Веќе еден месец медицинскиот персонал при Клиниката за инфективни болести работи во вонредни услови и со најзагрозените случаи на заболени со вирусот ковид-19. Со цел да се помогне во овие ситуации, брендот Озон голд, одвои количини од својот производ, кој е клинички тестиран и придонесува во подигнување на имунитетот и во борбата против вирусите и бактериите.

– Како компанија која во Македонија произведува производ кој делува на подигнување на имунитетот и помага во борбата со вирусите, сметавме дека треба да ја покажеме нашата поддршка и солидарност. Поддршката во вид на помош, донација на нашиот производ, Ozone Factor, желатинска капсула која содржи озонирано маслиново масло на докторите кои се во првите редови во борба против вирусот ковид-19 на Инфективна клиника ќе им помогне во подобрување на имунитетот. Во овие услови во кои се наоѓаме, повеќе од потребно е да ја покажеме нашата општествена одговорност и да им дадеме „сила“ на лицата кои најмногу се борат за сите нас. Затоа, ние како компанија, одвоивме дел од нашата „сила“ за да им покажеме дека заедно можеме да ја победиме состојбата и вирусот – изјавија од менаџментот на компанијата.