УДРИЛ ВО ЅИД СО ВЕЛОСИПЕД Малолетник од Делчево итно хоспитализиран во Скопје
Малолетникот изгубил контрола над велосипедот на пешачка патека и со сериозни повреди бил пренесен во Комплексот клиники „Мајка Тереза“ во Скопје.
Тринаесетгодишно момче од Делчево се здобило со тешки телесни повреди по несреќа што се случила на пешачка патека во градот, соопшти полицијата.
Според информациите од Министерството за внатрешни работи, несреќата била пријавена на 16 јуни околу 15:20 часот во ОВР Делчево. Малолетникот, управувајќи велосипед на пешачка патека меѓу улиците Глигор Прличев и Гоце Делчев, изгубил контрола и удрил во ѕид од куќа.
Можеби ќе ве интересира
По несреќата, момчето било пренесено на лекување, а во Комплексот клиники „Мајка Тереза“ во Скопје му биле констатирани тешки телесни повреди.
Увид на местото извршила увидна екипа од ОВР Делчево, а се утврдуваат сите околности под кои се случила несреќата.