ТРАМП Ѝ Е БЕСЕН НА ЕУ, ЈА НАРЕЧЕ „НЕПРИЈАТЕЛСКА И ЗЛОУПОТРЕБУВАЧКА“ Се закани со 200% царини на европските вина
Ако оваа царина (за американско виски) не биде веднаш укината, САД наскоро ќе воведат 200% царина на сите вина, шампањи и алкохолни производи што доаѓаат од Франција и од други земји од ЕУ, се закани претседателот на САД, Доналд Трамп.
Претседателот на САД, Доналд Трамп, во четвртокот рече дека ќе воведе царина од 200% за сите вина, шампањи и алкохолни производи увезени во САД од европските земји – особено издвојувајќи го виното од Франција – откако Европската унија во вторникот објави нови царини што треба да стапат на сила во април како одмазда за глобалните царини на Трамп за метал што започнаа во средата, објави Форбс.
„Европската Унија, една од најнепријателските и најзлоупотребувачки даночни и тарифни власти во светот, која беше формирана со единствена цел да има корист на сметка на САД, штотуку воведе непријатна царина од 50% на виски. Ако оваа царина не биде веднаш укината, САД наскоро ќе воведат 200% царина на сите вина, шампањи и алкохолни производи што доаѓаат од Франција и од други земји од ЕУ. Ова ќе биде одлично за бизнисите со вино и шампањ во САД“, напиша Трамп на својата објава на социјалната мрежа Трут сошал.
