📽️ ТРАГЕДИЈА ВО ТУРЦИЈА, ШЕСТМИНА РАБОТНИЦИ ЗАГИНАА ВО ЕКСПЛОЗИЈА Спасувачите сè уште трагаат по осум лица
Во експлозијата во фабриката „Хабаш“ во Измир се повредени 13 лица, а спасувачките екипи продолжуваат да трагаат по осум работници за кои се стравува дека се заробени под урнатините.
Најмалку шест лица загинаа, а 13 се повредени во силната експлозија што денеска ја потресе железарницата „Хабаш“ (HABAŞ), во турскиот град Измир. По експлозијата избувнал пожар, а спасувачките екипи сè уште трагаат по осум работници за кои се стравува дека останале заробени под урнатините.
Несреќата се случила околу 12 часот во фабриката во областа Алиага. По силната детонација избувнал пожар, поради што на местото биле испратени голем број противпожарни, медицински и спасувачки екипи.
İzmir’de demir çelik fabrikasında patlama meydana geldi. Patlamanın ardından çıkan yangına ekiplerin müdahalesi devam ediyor.
İlk bilgilere göre yaşamını yitirenler var. https://t.co/AM3HmTgFaG
— Asayiş Berkemal (@asayisberkemal0) November 9, 2026
Според информациите објавени од турските медиуми, првичните наоди на надлежните укажуваат дека експлозијата можеби настанала за време на истурање течен челик, откако се откачил тавански кран и паднал во електролачната печка.
📌İzmir’in Aliağa ilçesinde bulunan demir çelik fabrikasında patlama meydana geldi.
📌İhbar üzerine bölgeye çok sayıda itfaiye ve sağlık ekibi sevk edildi.
📌Ekiplerin yangına müdahalesi sürüyor. https://t.co/uDCylXXxL8
— Nirvana Haber | Son Dakika (@nirvanahabercom) November 9, 2026
Билансот на несреќата се менувал во текот на денот. Првично беше соопштено дека има тројца загинати и 14 повредени, но подоцна гувернерството на Измир информираше дека бројот на загинати се искачил на шест. Според последните извештаи, 13 лица се повредени, а осум работници сè уште се бараат под урнатините.
По несреќата е отворена истрага, а на случајот се ангажирани четворица обвинители. Спасувачките екипи продолжуваат со расчистување на урнатините и потрагата по исчезнатите работници.