СЕ СКАРАЛЕ ЗА ПАРКИНГ, ПА СО „ФОРД“ ТУРНАЛ ПОРТА ВРЗ ДВАЈЦА Полицијата во Свети Николе уапси 28-годишник
Кавга за паркинг во Свети Николе добила опасен пресврт кога 28-годишник со автомобил тргнал кон двајца сограѓани, според пријавеното во полиција. Со „фордот“ удрил во металната порта од нивниот двор, која се урнала врз двајцата.
Расправија за паркинг во Свети Николе завршила со автомобил насочен кон двајца мажи и метална порта урната врз нив.
Полицијата вчера во 18:20 часот го уапсила Д.Д. (28), откако претходно се скарал со Р.Б. и Ј.Б., двајцата од истиот град.
Можеби ќе ве интересира
Според пријавеното, по расправијата 28-годишникот влегол во „форд“ со светиниколски таблички и тргнал со возилото кон двајцата мажи.
Но на патот му се нашла металната порта од нивниот двор.
Со автомобилот ја турнал портата, која паднала врз Р.Б. и Ј.Б. и ги повредила.