НЕКА ДОКАЖЕ ДВОЦИФРЕНА ЗЛОУПОТРЕБА НА ФИНАНСИСКИ СРЕДСТВА, НЕ МОРА ДА БИДЕ ШЕСТЦИФРЕНА Фрчковски ги демантира обвинувањата на Муцунски
Го повикувам исто така Министерот да не прави крупни, елементарни правни пропусти (за да добие посакуван резултат со конструирање на наводни злоупотреби), праќајќи во ревизија нелиценцирани, ненадлежни ревизори во пензија (за што има докази и сведоци) – чија „истрага и акти – Извештај“ не може да бидат користени како никаков правен доказ ниту во дисциплинска ниту во судска постапка. Имено, да не води „вмровски истраги“, туку да води нормални истраги, ако воопшто сака и има намера да дојде до вистината и до фактите, вели поранешниот амбасадор во ОН, Љубомир Фрчковски.
„Министерот за надворешни работи, Тимчо Муцунски, денес, одговарајќи на новинарско прашање, рече дека МНР спровело истрага за работата на Амбасадорот во Постојаната мисија на Северна Македонија во ООН, Љубомир Фрчкоски, и импровизираше дека во неа тој видел финансиски злоупотреби со шестоцифрени бројки…; но за нив не можел ништо да зборува…; туку ќе го предадел наводниот Извештај на правосудните органи кои понатаму, ако одлучат, ќе постапувале… Ова и од неискусен министер е сепак премногу наивно и манипулативно за јавноста“.
Ова го изјави поранешниот амбасадар во Обединетите Нации, Љубомир Фрчковски, како одговор на изјавата на министерот Тимчо Муцунски кој тврди дека Фрчковски злоупотребувал јавни средства.
„Го повикувам Министерот јавно, со минимум аргументи и докази, да покаже случај на, не мора шестоцифрена, ако му е многу, еве на двоцифрена злоупотреба на финасиски средства што јас сум ја направил надвор од овластувањата, кои со Законот за надворешни работи се овластувања на секој Амбасадор – и со тоа сум го оштетил буџетот или приватно сум злоупотребил средства од сметка на Амбасадата“, вели Фрчковски во својот писмен одговор на обвинувањата на министерот Муцунски.
Го повикувам исто така Министерот да не прави крупни, елементарни правни пропусти (за да добие посакуван резултат со конструирање на наводни злоупотреби), вели Фрчковски, праќајќи во ревизија нелиценцирани, ненадлежни ревизори во пензија (за што има докази и сведоци) – чија „истрага и акти – Извештај“ не може да бидат користени како никаков правен доказ ниту во дисциплинска ниту во судска постапка. Имено, да не води „вмровски истраги“ туку да води нормални истраги, ако воопшто сака и има намера да дојде до вистината и до фактите.