МАКЕДОНСКИ ТЕЛЕКОМ ИСПЛАЌА 40,6 МИЛИОНИ ЕВРА ДИВИДЕНДА Државата може да смета на 14 милиони евра од распределбата
Државата поседува 34,81% од акциите во Македонски телеком, а како државни акции може да се сметаат и 2,32% од акциите кои ги поседува АД за стопанисување со деловен простор.
Акционерите на Македонски телеком ќе поделат дивиденда од 40,6 милиони евра, односно целата добивка остварена од работењето во 2025 година. Бруто дивидендата изнесува 28,9 денари по акција, а исплатата треба да заврши до крајот на овој месец.
Дел од дивидендата ќе биде исплатена и на сметка на државата која поседува 34,81% од акциите во Македонски телеком. Како државни акции се сметаат и 2,32% од акциите кои ги поседува АД за стопанисување со деловен простор.
Пресметките покажуваат дека државата од своите акции ќе добие 14,12 милион евра и дополнително уште 940.800 евра преку Акционерското друштво за стопанисување со станбен и деловен простор. или вкупно во државната ласа годинава ќе се слеат 15,06 милиони евра дивиденда.
Во износот што ќе го добие државата треба да се вклучи и платениот данок на доход од дивидендата и уште е 10% персонален данок на доход од дивидендите исплатени на сите домашни физички лица (мали акционери), како и соодветните даночни задршки од останатите правни субјекти.
Тоа значи дека крајната финансиска корист за буџетот на државата (дивиденда + даночни приливи) надминува 18 милиони евра само од оваа последна деловна година.
Државата поседува директно 34,81% од вкупниот број акции во Македонски Телеком АД – Скопје, што изнесува точно 30.021.132 обични акции.
Дополнително, државата има влијание и преку сопственичкиот удел на АД за стопанисување со деловен простор (поранешен ПУИК), кој поседува уште 2,32% или 2.000.001 акции.
Преглед на акционерската структура
| Акционер | Број на акции | Процент на сопственост |
| Stonebridge Communications (Маѓар Телеком) | 51.000.001 | 59,13% |
| Република Северна Македонија (Влада) | 30.021.132 | 34,81% |
| АД за стопанисување со деловен простор | 2.000.001 | 2,32% |
| Останати акционери (домашни и странски) | 3.233.153 | 3,74% |
| Македонски Телеком (сопствени акции) | 10% | 0,00001% |
Вкупниот број на издадени акции на компанијата изнесува 86.254.297 обични акции, а државата дополнително поседува и една златна акција која и дава право на вето за клучни стратешки одлуки во компанијата.
Последниве години Телеком исплаќа се помала дивиденда бидејќи и приходот и опаѓа поради конкуренцијата.
Највисок износ на дивиденда државата доби во 2004 година во износ од 44,8 милиони евра односно 60,08 денари по акција, а најнизок износ на дивиденда државата доби во 2019 година кога ѝ се исплатени 8,02 милиони евра, или 15,40 денари по акција.
Првата дивиденда на државата од страна на Македонски Телеком (тогаш Македонски Телекомуникации) ѝ е исплатена во 2002 година по приватизацијата во 2001 година и изнесуваше 18,5 милиони евра.