МАКЕДОНИЈА ИМА 1.515.306 РАБОТОСПОСОБНИ ЛУЃЕ Речиси половина од нив не се активни на пазарот на труд
Лани стапката на активност изнесувала 52,3%, на вработеност 45,8%, а на невработеност 12,4%.
Во 2024 година земјава имала 1.515.306 работоспособно население од кое повеќе од половината (792.779) било активно на пазарот на труд.
Ова се последните податоци на Државниот завод за статистика за пазарот на труд во 2024 година, според кои стапката на активност на населението изнесувала 52,3%, на вработеност 45,8%, а на невработеност 12,4%.
Можеби ќе ве интересира
Од населението кое било активно на пазарот на труд на возраст повисока од 15 години 460.436 биле мажи, додека 332.342 биле жени.
Лани бројот на вработени изнесувал 694.506, додека 98.273 биле невработени лица.
Статистика пресмета дека 722.527 лица во земјава лани биле неактивни на пазарот на труд иако биле работоспособни. Од нив 284.449 биле мажи, додека 438.078 биле жени.