📽️ КАНДИДАТ ЗА ВО КОНГРЕСОТ СЕ ЗАКАНУВАЛ СО НОЖ И СО ПИШТОЛ Скандал со познат американски политичар на плажа на Хаваи
Американскиот политичар Кирил Бејсин, кој има амбиции за место во Конгресот, бил приведен по конфликт на плажа на Хаваи, каде според полицијата упатувал закани со оружје.
Скандал со познат американски политичар: Сака во Конгрес, а на плажа се заканувал со нож и пиштол
Познатиот американски политичар Кирил Бејсин (40) бил уапсен во саботата, 1 август, поради физичка пресметка на плажа на Хаваи, објави Њујорк пост.
Бејсин физички се пресментал со 61-годишен маж кој го замолил да ја намали гласната музика.
Според полицијата, Бејсин му се заканувал на мажот, наводно тврдејќи дека поседува огнено оружје. Тој, исто така, се заканувал дека ќе пука и во мажот кој му забележал за музиката, но и во неговата сопруга.
Бејсин бил уапсен под сомнение дека упатил терористички закани. Инцидентот се случил на плажата Кеавакепу на островот Мауи, на Хаваи.
Kirill Basin, a Democrat congressional candidate running against Jill Tokuda was arrested Saturday after a violent altercation at Keawakapu Beach in South Kihei. He was charged with two counts of first-degree terroristic threatening, and his bail was set at $1 million. pic.twitter.com/Muzw3vcmVq
— Black Label Media (@blacklabel2026) August 5, 2026
Во конфликтот набрзо се вмешал и очевидец кој се обидел да ја спречи расправијата. Ситуацијата, сепак, ескалирала во физичка пресметка, при што Бејсин добил удар во главата и паднал на земја.
Успеал да стане, но пресметката набрзо завршила. Очевидци тврдат дека потоа наводно извадил нож, кој кратко потоа го фрлил во морето.
Полицијата го добила ножот од случаен минувач кој го извадил од водата. Отворена е истрага за да се утврдат сите околности на конфликтот.