🎥 КАКО СЕ ПРАВЕШЕ КОСТИМОТ НА ХАЈДИ КЛУМ ЗА МЕТ ГАЛА Германската манекенка се преобрази себеси во жива мермерна статуа
Хајди Клум веднаш се истакна во Метрополитен музејот на уметноста на годинешната Мет Гала, во својот драматичен ансамбл инспириран од мермерни статуи како што се The Veiled Vestal, од италијанскиот скулптор Рафаел Монти и The Veiled Virgin (или Vergine Velata) од италијанскиот скулптор Џовани Страца.
Хајди Клум беше една од највпечатливите појави на годинашното издание на Мет Гала 2026, појавувајќи се во впечатлив стајлинг инспириран од скулптура и класична уметност, на црвениот тепих во Метрополитен Музејот на уметноста.
Германско-американската супермоделка целосно ја прифати темата „Costume Art“, исто така наречена и „Fashion is Art“, пристигнувајќи во креација што ја претвори во „жива статуа“. Изгледот е дело на Мајк Марино, кој ги обликувал материјалите латекс и спандекс така за да создаваат илузија на извајан мермер.
Креацијата веднаш предизвика бурни реакции на социјалните мрежи, а многумина потсетија дека Хајди Клум со години оди до крај кога станува збор за костими и трансформации.
View this post on Instagram
Самата Клум откри дека изгледот е инспириран од различни уметнички правци и дела, меѓу кои и скулптурата „The Veiled Vestal“ на Raffaelle Monti, позната по неверојатниот ефект на вел извајан во камен.
– Ја сакам модата, ја сакам уметноста, а најмногу го сакам моментот кога тие две се судираат – напиша таа.
За креацијата додаде дека ткаенината е трансформирана во скулптура, со прецизност што ја доловува мирнотијата и деликатноста на мермерот, додека целиот дизајн „ја брише границата меѓу модата и уметноста“.
– Секој детал е намерен – ова не е само облека, туку уметност во движење – порача Клум.
View this post on Instagram
Годинешната Met Gala, традиционално одржана првиот понеделник во мај во New York City, ја слави врската меѓу модата, телото и уметноста, охрабрувајќи ги гостите да ја третираат модата како жива форма на изразување.