ДЕВОЈКА ОД МАКЕДОНИЈА ПРОНАЈДЕНА МРТВА ВО СТАН ВО СОЛУН Родителите долго време не можеле да ја добијат на телефон
Родителите замолиле близок роднина да појде до станот во кој престојувала девојката, но тој таму ја пронашол без знаци на живот.
23-годишна девојка од Македонија е пронајдена мртва во стан во областа Неаполи во Солун, објавија грчките медиуми.
Според информациите до кои дошле грчките медиуми, нејзините родители, кои живеат во Северна Македонија, подолго време не можеле да стапат во контакт со неа, по што близок роднина заминал до станот во кој престојувала. Таму ја пронашол девојката без знаци на живот и веднаш биле известени надлежните служби.
Можеби ќе ве интересира
Грчките медиуми јавуваат дека на телото бил извршен првичен преглед, а според досега собраните податоци не биле утврдени траги кои би упатувале на кривично дело.
Надлежните органи продолжуваат со постапката за утврдување на точните околности и причината за смртта.