АНЧЕЛОТИ НЕ САКА ДА СЕ СПОГОДУВА, ТУКУ ДА СВЕДОЧИ Му се заканува затвор од 5 години?
На 2 април 65-годишниот фудбалски стручњак се појави на суд и рече дека е подготвен да сведочи и одби договор со обвинителството.
Тренерот на Реал Мадрид, Карло Анчелоти одби да се согласи на договор со шпанските обвинители во случајот за затајување данок, пишува „Мундо Депортиво“.
На Анчелоти му се заканува затворска казна од пет години. Тој е обвинет за затајување данок во 2014 и 2015 година.
Денес 65-годишниот фудбалски стручњак се појави на суд и рече дека е подготвен да сведочи и одби договор со обвинителството.
Можеби ќе ве интересира
Анчелоти е на чело на Реал Мадрид од летото 2021. Пред тоа работеше во мадридскиот клуб од 2013 до 2015 година.
Италијанецот во текот на својата богата тренерска кариера ги предводеше и Евертон, Наполи, Баерн, ПСЖ, Челзи, Милан, Јувентус и Парма.
По 29 кола, Реал Мадрид е втор во Примера со 63 бода, со три бода помалку од лидерот Барселона.