📽️ НЕ СТИВНУВА БУНТОТ ПРОТИВ РАМА, ПОВТОРНО ГОРИ ТИРАНА Демонстранти со качулки палат канти и фрлаат камења
Неколку стотици демонстранти се собраа пред Министерството за образование, но протестот ескалираше откако група млади со качулки запали канти за отпад и почна да фрла камења кон полицајците.
Нови насилни инциденти ја потресоа албанската престолнина Тирана, каде што протестот против владата на премиерот Еди Рама повторно ескалираше. Демонстранти со качулки запалија канти за отпад и фрлаа камења кон полициските службеници пред Министерството за образование.
Протестот започнал со собир на неколку стотици граѓани пред Министерството, каде што демонстрантите скандирале „Рама, поднеси оставка!“ и „Нема Албанија без млади!“. Собирот првично поминувал мирно, но ситуацијата се влошила кога група млади лица со качулки запалила неколку канти за отпад, а потоа почнала да вади камења од тротоарот и да ги фрла кон полицијата.
🚨 Tensions flare again at protests in Albania, where citizens’ primary demand is the removal of both PM Rama and opposition leader Berisha. https://t.co/zGg6ezczwF
— Tirana Report (@Tirana_Report) October 31, 2026
Пред зградата на Министерството биле распоредени засилени полициски сили, меѓу кои и припадници на специјалните единици. На местото бил присутен и воден топ.
Протестите против владата на Рама траат со месеци, а незадоволството првично се засилило поради спорниот проект за изградба на туристички комплекс на албанското крајбрежје, поврзан со компанија основана од Џаред Кушнер, зет на американскиот претседател Доналд Трамп.
Подоцна, протестното движење се проширило и поради обвинувањата за корупција, состојбите во образованието и здравствениот систем, недостигот од работни места и ограничените можности за младите.
Од средината на октомври протестите се проследени со сè почести насилни инциденти. Во претходните судири беа оштетени и запалени јавни објекти, меѓу кои министерства и судници, како и продавници и банкарски филијали.
Students in Tirana boycotted classes once again as part of their revolt against the corrupt Rama-Berisha establishment. For two days, protests in Albania have remained peaceful, while young people are still searching for a way to formalize the protest into a political formation. https://t.co/UMY5U2gpDE
— Tirana Report (@Tirana_Report) October 28, 2026
Албанскиот министер за внатрешни работи Ервин Демо претходно соопшти дека од почетокот на насилните судири биле повредени речиси 350 лица. Според неговите податоци, меѓу повредените има околу 200 полицајци, 100 демонстранти и 40 минувачи. Тој информираше и дека биле уапсени 269 малолетници.
Албанската влада најави и построги казни за учество во насилни протести, вклучително и парични казни што може да достигнат 5.500 евра.
И покрај најавените мерки, незадоволството продолжува да се изразува на улиците на Тирана, а новите судири покажуваат дека кризата околу владата на Еди Рама сè уште не стивнува.