📽️ ПУКАЛЕ СТАКЛАТА ВО ХОТЕЛОТ, ГОСТИТЕ БЕГАЛЕ Камера сними момент на силната експлозија во Атина
Силна експлозија утрово ја потресе Плака во центарот на Атина, при што стара зграда делумно се урна. Во соседен хотел пукнале прозорците, а исплашените туристи во паника побегнале кон рецепцијата. Се истражува можноста за истекување природен гас.
Моментот на силната експлозија што утрово одекна во центарот на Атина е снимен од безбедносна камера во салата на соседен хотел. По експлозијата, старата зграда на улицата Лисикратус делумно се урнала.
На снимката, објавена од грчкиот портал „Protothema.gr“, се гледа моментот кога експлозијата одекнува со силен тресок. Во тој момент гостите на хотелот појадувале, а нешто по 7:30 часот наутро настанала паника.
Од силниот удар пукнале стаклата на прозорците во хотелската сала, по што исплашените гости почнале да трчаат кон рецепцијата.
Сопственичката на хотелот изјавила дека туристите во првиот момент помислиле дека станува збор за бомба. Еден пар дури ја напуштил хотелската соба, стравувајќи дека може да следува нова експлозија.
Размерите на разурнувањето се видливи и на снимките од местото на несреќата. Оштетени се околните објекти, продавници и куќи, а ударниот бран искршил прозорци на соседните згради и оштетил неколку паркирани автомобили.
View this post on Instagram
Жители и минувачи сведочат дека експлозијата била исклучително силна и дека детонацијата се слушнала низ голем дел од центарот на Атина.
На улицата Лисикратус, во близина на раскрсницата со авенијата Василисис Амалијас, веднаш пристигнале голем број пожарникари, полицајци и екипи на итната помош.
Се истражува можно истекување на природен гас
💥 Οι πληροφορίες αναφέρουν ότι η έκρηξη ήταν τόσο δυνατή που ακούστηκε σε όλο το κέντρο της Αθήνας
🎞️ Orange Press Agency
📷 EUROKINISSI#Aθηνα #εκρηξη pic.twitter.com/FcQtuP3syb— NEWS 24/7 (@News247gr) September 25, 2026
Една од првите можни причини што ја разгледуваат надлежните е истекување природен гас во текот на ноќта. Сепак, ова засега не е официјално потврдена причина, а истрагата продолжува.
И заменик-градоначалникот на Атина задолжен за изградба, Парис Харлавтис, за грчката државна телевизија „ERT“ изјавил дека првичните индиции упатуваат на можен дефект или истекување природен гас во текот на ноќта.
Жители и луѓе кои се нашле во близина, исто така, зборувале за силен мирис на гас непосредно пред експлозијата.
Πλάνα drone από το σημείο της έκρηξης στην Πλάκα.
📹Γιάννης Κέμμος pic.twitter.com/sUTIBFXMQu
— Flash.gr (@flashgrofficial) September 25, 2026
Во текот на спасувачката операција пожарникарите спасиле две жени од соседна зграда. Станува збор за повозрасна жена и жена на околу 50 години, кои биле пренесени во болница на лекарска помош.
Еден маж, исто така, бил полесно повреден од парчиња и стакло кои биле исфрлени при експлозијата.
Во меѓувреме, спасувачките екипи продолжуваат со пребарување на урнатините, бидејќи постоеле информации дека во објектот можеби имало луѓе во моментот на експлозијата. Според грчките медиуми, објектот имал станбен дел, а дел од просторот бил изнајмуван за краткорочен престој.
Το διώροφο κτίριο όπου σημειώθηκε η έκρηξη βρίσκεται στην οδό Λυσικράτους 5, στην Πλάκα – Τραυματίστηκαν δύο γυναίκες, που απεγκλωβίστηκαν από παρακείμενα κτίρια, και ένας περαστικός από θραύσματα.
Με βάση την ενημέρωση από την ENAON, την Εταιρεία Διανομής Αερίου, βρίσκεται… pic.twitter.com/7DEPdYh5so
— in.gr/news (@in_gr) September 25, 2026