ЈА ИЗБРКАЛ СОПРУГАТА И ТРИТЕ ДЕЦА ОД ДОМОТ Тетовец уапсен по пријава за семејно насилство
Осомничениот е задржан во полициска станица, а по документирањето на случајот ќе биде поднесен соодветен поднесок.
Триесет и шестгодишен маж од тетовско е лишен од слобода откако, според пријава во полицијата, ја избркал својата сопруга и нивните три малолетни деца од семејниот дом, а потоа физички ја нападнал.
Од Министерството за внатрешни работи информираат дека инцидентот бил пријавен од 26-годишната сопруга, која навела дека околу 21 часот мажот ги избркал од домот, по што ја нападнал.
Можеби ќе ве интересира
Полициски службеници од СВР Тетово го привеле осомничениот во 23:45 часот во Тетово, по што тој бил задржан во полициска станица.
По целосното документирање на случајот, против него ќе биде поднесен соодветен поднесок.