ХАКИРАН МЕЈЛОТ НА ГЛАВНИОТ ДРЖАВЕН РЕВИЗОР Ацевски им порача на сите што добиле мејл од него да си ја сменат лозинката
Доколку сте кликнале на линк или сте внеле податоци, ве молам веднаш променете ја лозинката на вашата електронска пошта и известете ја вашата ИТ-служба, наведува Ацевски во дописот до јавноста.
Хакиран бил мејлот на главниот државен ревизор м-р Максим Ацевски, соопшти Државниот завод за ревизија.
По тој повод ревизорот испрати соопштение до јавноста:
„Ве известувам дека мојата службена електронска адреса ([email protected]) беше цел на безбедносен инцидент, при што од неа беа испратени неовластени пораки.
Ве молам да ги игнорирате и избришете сите сомнителни пораки испратени од оваа адреса во кои се бара внесување на корисничко име, лозинка или други доверливи информации.
Доколку сте кликнале на линк или сте внеле податоци, ве молам веднаш променете ја лозинката на вашата електронска пошта и известете ја вашата ИТ-служба.
Нашата ИТ-служба навремено реагираше, сметката е обезбедена и преземени се сите потребни мерки за спречување на понатамошна злоупотреба. Воедно ви препорачувам променета ја вашата лозинка. Се извинувам за евентуалната непријатност и ви благодарам за разбирањето“, се наведува во дописот од ревизорот испратен до јавноста.