ЕМИЛИ РАТАЈКОВСКИ ШОКИРАШЕ СО ИСПОВЕД ЗА РАЗВОДОТ Во провокативна фото-сесија манекенката „доеше“ кукла-бебе
Во есејот со провокативен наслов „Mother Fucker“, објавен во списанието „The Cut“, Емили Ратајковски отворено зборува за разводот, самохраното мајчинство и својот љубовен живот по крајот на бракот.
Манекенката Емили Ратајковски во новиот есеј со провокативен наслов „Mother Fucker“, објавен во списанието „The Cut“, откри дека бракот со филмскиот продуцент Себастијан Бер-Меклард ѝ се распаднал по раѓањето на синот, а потоа започнала период на интензивни љубовни авантури во обид повторно да ја пронајде сопствената сексуалност.
View this post on Instagram
Со есејот проследен со бизарна фотосесија во која Емили позира со речиси разголени гради и симулира доење на бебе-кукла, а на една држи и чаша вино.
За фотките, Емили е критикувана дека го сексуализира доењето.
Триесет и петгодишната манекенка и актерка открива дека раѓањето на синот Силвестер во 2021 година било почеток на драматични промени во нејзиниот живот.
– Шест месеци по раѓањето на мојот син, јас и сопругот престанавме да имаме секс. Помалку од една година подоцна, веќе бевме разделени – напиша Ратајковски во есејот.
Таа периодот по породувањето го опишува како исцрпувачка и болна транзиција во сосема нова реалност, а признава дека најмногу се плашела од етикетата „разведена самохрана мајка“.
По разделбата, Емили започнала интензивно да излегува и да запознава нови мажи. Во текстот открива дека претходно имала многу малку сексуални партнери и дека долго време се трудела да биде „добра девојка“, но по разводот решила да ги преиспита сопствените ставови за љубовта, сексот и женската слобода.
Сепак, таа нагласува дека поставила строги правила за себе: никогаш да не го пропушти времето кога синот си легнува и речиси никогаш да не преспива надвор од домот.
Еден од деловите што предизвика најмногу внимание е признанието дека стравувала оти мажите повеќе нема да ја сметаат за привлечна затоа што е мајка. Но искуството ѝ го покажало спротивното.
– Сфатив дека многу мажи ги привлекува мајчинството – пишува таа, додавајќи дека тоа целосно ја променило нејзината перцепција за себе.
View this post on Instagram
И есејот и фотографиите предизвикаа поделени реакции на социјалните мрежи – дел од јавноста ја пофали за искреноста и храброста, додека други ја обвинија дека непотребно го сексуализира мајчинството.