ПЕНЗИОНЕРСКИТЕ ДЕНОВИ НА СУЗАНА МАНЧИЌ „Пензијата ми е мала но, доволна“
Водителката Сузана Манчиќ која во ноември ќе го прослави јубилејниот 70-ти роденден, веќе неколку години ужива во пензијата и отворено зборува за тоа како ги поминува пензионерските денови
Српската водителка Сузана Манчиќ која во ноември оваа година ќе го прослави својот јубилеен 70-ти роденден, веќе неколку години ужива во пензионерските денови и отворено зборува за тоа како ги поминува.
Таа еднаш откри колку е нејзината пензија, но исто така призна дека планира да го продолжи својот живот на периферијата на Белград во одреден момент.
Моментално живее помеѓу Белград и Атина, бидејќи нејзиниот сопруг живее во Грција и е многу успешен бизнисмен.
– Пензијата не е голема, минимална е, така да се каже, но искрено, не очекував повеќе. Ќе биде доволно за да ги платам сметките и да ми остане некој динар. Сакав да го решам мојот статус, за да не морам повеќе да се грижам за тоа. Пензијата не мора да значи крај на мојот работен век, сè додека имам сила да работам. Почнав интензивно да читам, се враќам на некои од нашите класици, моментално е „Роман за Лондон“ од Милош Црњански – изјавила таа за Блиц.
Сузана не сака да зборува за тоа колкава е конкретно нејзината пензија, но неодамна откри за која бројка станува збор.
– Му кажав на некого колку ми е пензијата, а потоа порталите се запалија, како „скандалозно колку е пензијата на Сузана Манчиќ, 53.000…“ Па, што? Бог да чува, можев да живеам со тие пари, луѓето живеат со толку пензија. Го имав тој рационален и штедлив момент, да не речам Пирочански. Половина трошев, половина ставав настрана – рече еднаш таа.
Сузана тврди дека може да живее добро од својата пензија, затоа што не ја троши за глупости, во кафулиња или на некој порок.
– Значи, можеш да живееш од таа пензија, особено ако работиш нешто покрај неа. Прекрасно е – рече таа.