📽️ „ТИЕРИ, ЈА ЗНАЕШ ЛИ ОВАА ОД ЛЕПА БРЕНА?“ Златан го „запали“ студиото со познатиот балкански хит, гостите шокирани

Поранешниот шведски напаѓач, познат по својот харизматичен настап и остар хумор, се појави во нова улога во телевизискиот пренос на Мундијалот, каде покрај стручни анализи, не недостасуваа и забавни моменти кои веднаш станаа вирални на социјалните мрежи.

Во една од ситуациите што предизвикаа најголемо внимание, Ибрахимовиќ беше снимен како ја пее познатата песна на Лепа Брена – „Луда за тобом“. На видеото што се шири на интернет, тој ја пушта песната на својот телефон, ја пее и танцува во студиото, предизвикувајќи смеа кај присутните.

Ибрахимовиќ се обиде дај пренесе енергијата на Тиери Анри, кој е оженет со босанскиот модел Андреа Рајачиќ со која има три деца и од која сигурно веќе слушнал за Лепа Брена.

– Тиери, ја знаеш ли оваа од Лепа Брена? – го праша Ибрахимовиќ.

Zlatan Ibrahimovic and Thierry Henry listening to this 🇧🇦 banger by Lepa Brena. Alexi Lalas” Give me the name of the group, what is she saying?”😂😂😂 #FIFAWorldCup 🎥: https://t.co/nlKCqfWp6D pic.twitter.com/PakneqImFB

— Bosnian Football (@BosniaNTBall) June 15, 2026

Меѓу нив бил и поранешниот американски репрезентативец Алекси Лалас, кој видно изненаден прашал за што станува збор, додека Ибрахимовиќ продолжил со својот карактеристичен перформанс.

Швеѓанецот со босанско-хрватски корени одамна е познат по тоа што често го промовира балканскиот музички и културен простор во јавноста. И претходно името на Златан беше поврзувано со популарната пејачка Нада Топчагиќ, чиј хит „Јутро је“ по негова заслуга се слушаше и на престижниот фестивал во Сан Ремо, што тогаш привлече големо внимание во светските медиуми.

Ibrahimovic na San Remu i Brena “luda za tobom” hahahah kakva legenda @Ibra_official pic.twitter.com/GineAlOfgs

— Uroš  (@OvoNisamJa__) February 7, 2024