🎥 ГОЛЕМ УКРАИНСКИ НАПАД ВРЗ РУСИЈА, ГОРИ РАФИНЕРИЈА Експлозии во Москва, Јарослав и во Ростов на Дон
Руското министерство за одбрана тврди дека над руските региони во текот на ноќта биле соборени вкупно 264 дронови.
Украинските сили синоќа нападнаа повеќе цели во Русија. Серија експлозии ги потресоа Москва, Јарослав и Ростов на Дон, а најтешко погодена беше голема рафинерија за нафта која се запали по ударот.
Првите беспилотни летала синоќа беа забележани недалеку од руската престолнина. Руската агенција за воздухопловство (Росавијација) реагираше и воведе привремени ограничувања за летови на московските аеродроми Внуково и Домодедово. Градоначалникот на Москва, Сергеј Собјанин, подоцна рече дека воздушната одбрана соборила неколку авиони.
Додека вниманието беше насочено кон Москва, моќни детонации одекнваа во Јарослав, каде цел на нападот била рафинеријата за нафта „Јарославнефтеоргсинтез“. Во близина на фабриката избувнал сериозен пожар, а снимките на кои се гледа густ, црн чад како се издига високо над рафинеријата брзо се проширија низ интернет.
Yaroslavl, more than 700 kilometers from Ukraine’s state border. An oil sector facility that was of great importance for financing Russia’s war.
I thank the Armed Forces of Ukraine and our military intelligence for this manifestation of justice. Ukraine’s long-range sanctions… pic.twitter.com/42OeP0K44t
— Volodymyr Zelenskyy / Володимир Зеленський (@ZelenskyyUa) May 8, 2026
Нападнат беше и Ростов на Дон. Жителите велат дека слушнале серија гласни експлозии, по што избувнал голем пожар, а според првите извештаи од теренот станува збор за ракетен напад врз фабриката „Агропромзапчаст“.
Гувернерот на Ростовскиот регион, Јуриј Сљусар, се огласи малку подоцна, со тврдење дека регионот „го одбил нападот со беспилотни летала и ракети“.
Според него, во нападот нема загинати и повредени, а има материјална штета.
– Остатоци од соборен авион оштетиле објекти во Таганрог, Батајск и Ростов на Дон, како и во областа Мјасников – рече Сљусар.
🔥 Вночі Сили оборони здійснили масштабну атаку на росію.
В Ярославлі влучання по НПЗ «Славнєфть-ЯНОС» — одному з найбільших нафтопереробних заводів РФ (1).
У Ростові масштабні пожежі в райноі промзони. Інформація про місця ураження уточнюється. Попередньо, це 2 підприємства… pic.twitter.com/ehGHK8PZXU
— Serhii Sternenko (@sternenko) May 8, 2026
Градоначалникот на Москва Сергеј Собјанин утрово соопшти дека во текот на ноќта на приодите кон Москва биле пресретнати 26 дронови.
Руското министерство за одбрана, пак, тврди дека над руските региони биле соборени вкупно 264 дронови.
Овој масовен напад од Украина кон Русија следува откако украинскиот претседател Володимир Зеленски вчера изјави дека Украина ќе одговори на кршењето на прекинот на огнот од страна на Русија. Зеленски потсети дека Киев објавил прекин на огнот на 4 мај, кој требало да стапи на сила на 6 мај на полноќ, но Москва не одговори на овој предлог.
Руското Министерство за одбрана, пак, еднострано прогласи „примирје“ само за 8 и за 9 мај. Притоа издаде и застрашувачко предупредување дека ако традиционалната воена парада во Москва на Денот на победата на 9 мај биде „нарушена“ на кој било начин, Москва ќе изврши масовен ракетен напад врз центарот на Киев.