СТЕЛАНТИС ПРИВРЕМЕНО ГИ ЗАТВОРА ФАБРИКИТЕ ВО КАНАДА И МЕКСИКО Повеќе од 5.500 работници се отпуштени на две недели
Компанијата наведе дека сегашната ситуација носи неизвесност, но ги уверува вработените дека компанијата интензивно работи со владите, синдикатите, добавувачите и дистрибутерите во САД, Канада и Мексико.
Производителот на автомобили Селантис (Stellantis) привремено го запира производството во две фабрики во Канада и Мексико, за да се прилагоди на новите царини од 25% за автомобили наметнати од претседателот Доналд Трамп.
Запирањето на производството ќе трае две недели во фабриката во Виндзор во Онтарио, додека производството во мексиканската фабрика во Толука ќе биде стопирано во текот на април.
Двете мерки стапуваат на сила од понеделник.
„Приближно 900 работници во фабриките во САД кои го поддржуваат производството ќе бидат привремено отпуштени, додека приближно 4.500 работници во канадската фабрика ќе бидат погодени. Работниците во Мексико сепак ќе доаѓаат на работа, но нема да склопуваат возила, во согласност со нивните договори“, соопшти компанијата.
– Продолжуваме да ги оценуваме среднорочните и долгорочните ефекти на овие тарифи врз нашиот бизнис, но решивме веднаш да преземеме одредени чекори, вклучително и привремено прекинување на производството во одредени погони во Канада и Мексико – рече Антонио Филоса, шеф на Стелантис Северна Америка, во е-пошта до вработените.
Филоса нагласи дека сегашната ситуација носи неизвесност, но ги увери вработените дека компанијата интензивно работи со владите, синдикатите, добавувачите и дистрибутерите во САД, Канада и Мексико.
Фабриката за склопување во Виндзор ги произведува Chrysler Pacifica и новиот Dodge Charger Daytona EV, додека Jeep Compass и Jeep Wagoneer S EV се склопуваат во фабриката во Мексико.