КОНКУРЕНТИТЕ НА ЕСМ ПОБАРАА ПОВЕЌЕ ВРЕМЕ ЗА ДОСТАВУВАЊЕ НА ПОНУДИТЕ За 28 ноември е одложен тендерот на ЕВН за снабдување со струја за домаќинствата
ЕВН Македонија информира и дека го одложи за 27 ноември тендерот за набавка на електрична енергија за покривање на загубите во системот.
ЕВН Хоум од технички причини и на барање на понудувачите за дополнителен период за доставување понуди го одложи за 28 ноември тендерот на кој треба да биде доставена понуда за цената со која ќе го снабдува универзалниот снабдувач по 1 јануари.
За 27 ноември, како што информираат од ЕВН Македонија, е одложен и тендерот на Електродистрибуција за набавка на електрична енергија за покривање на загубите во системот.
Досега понуда на тендерот на ЕВН Хоум доставуваше државната компанија АД ЕСМ. Од тоа каква цена ќе понудат и колку од потребите на универзалниот снабдувач ќе задоволат најмногу зависи какви сметки ќе имаат потрошувачите на регулираниот пазар по 1 јануари.
Моментално ЕСМ задоволува 100% од потребите на ЕВН Хоум по цена од 60 евра за мегават час. Се очекуваше денеска државната енергетска компанија да достави понуда на тендерите на ЕВН Хоум и Електродистрибуција.
Премиерот Христијан Мицкоски пред некој ден изјави дека доколку има зголемување на цената на струјата, тоа ќе биде минимално од 1 од 2%, а пресметките за цената која ќе ја понуди ЕСМ на тендерот се за 58 до 62 евра за киловат. која цена сега ќе понуди ЕСМ на тендерот не се знае бидејќи веќе има конкуренција.