📽 НОВ БРАН НАПАДИ ВРЗ БЕЈРУТ Израелците го гаѓале можниот наследник на лидерот на Хезболах

Нов бран воздушни напади го потресе либанскиот главен град Бејрут во петокот, додека Израел ја продолжи својата битка против либанската вооружена група Хезболах. Една од огромните експлозии се слушнала пред меѓународниот аеродром во градот, кој се граничи со Дахиех – упориштето на Хезболах во главниот град, јавува Би-Би-Си.

Според израелски официјални лица, клучна цел бил Хашем Сафиедин, кој се смета за потенцијален наследник на Хасан Насрала, долгогодишниот лидер на Хезболах, кој беше убиен во сличен напад минатата недела, објавија повеќе американски медиуми.

Состојбата на Сафиедин не е позната.

🇮🇱🇮🇱💪Força Aérea Israelense realizou ataques aéreos intensivos no distrito de Dahiye, ao sul de Beirute.

Acontece que um dos objetivos do ataques aéreos foi a destruição do chefe do conselho executivo do Hezbollah e primo de Hassan Nasrallah, Hashem Safiedin💥💥💥💥🚀 pic.twitter.com/Me5aAeg8fO

— Diego mello (@hdiegorj) October 4, 2024

Најмалку 37 лица се убиени во израелските напади во последните 24 часа, додека 151 други се ранети, соопшти либанското Министерство за здравство.

Утринава се појавија извештаи дека клучниот пат што го поврзува Либан со Сирија е погоден од израелски напад.

Либанскиот министер за транспорт изјави за Ројтерс дека нападот бил погоден во либанската територија во близина на граничниот премин Маснаа, создавајќи кратер широк четири метри.

Официјалната новинска агенција на Либан исто така известува дека патот е отсечен, jавува АФП.

Во меѓувреме, најмалку 18 лица загинаа во израелски воздушен напад во окупираниот град Тулкарм на Западниот Брег.

Истовремено, израелските одбранбени сили (ИДФ) соопштија дека утринава биле откриени околу 20 лансирања на ракети од Либан. Се вели дека повеќето од ракетите биле пресретнати, а останатите паднале на отворен простор.

Сирените за воздушен напад беа активирани во израелскиот регион Западна Галилеја и во областа на заливот Хаифа.