МУ ПРЕНЕЛ ЛИ ПАЈАЗИТИ ПОЗДРАВИ ОД АХМЕТИ НА РАМАДАНИ ДОДЕКА БИЛ ВО ЗАТВОР? Јаревски бара да се разреши судијата

Сè уште очекуваме одговорност за судијата Пајазит Пајазити за овозможување на бегството на Блерим Рамадани. Институциите треба да постапат и тој да биде разрешен, рече на денешната прес-конференција пратеникот од ВМРО-ДПМНЕ Тони Јаревски.

Тој јавно го праша Пајазити дали работи за државата или за Али Ахмети и дали добил налог од Ахмети да го овозможи бегството на Рамадани.

– Дали Али Ахмети лично стои зад бегството на Блерим Рамадани и дали СДСМ е поддржувачи на истото? Дали налогот од Ахмети до Пајазит Пајазити да овозможи бегство на Блерим Рамадани е заради приватен бизнис интерес? – праша Јаревски.

Тој рече дека има информација дека додека Блерим Рамадани кога бил во притвор неколку пати бил повикуван од Пајазит Пајазити во Кривичниот суд, а еднаш и бил посетен во КПУ Затвор Скопје.

– Пајазити да каже дали при посетата во затворот лично му пренел поздрав на Блерим Рамадани од Али Ахмети и дали пораката била да не се секира, дека сѐ ќе се среди. За кого работи Пајазити за државата или за Али Ахмети? Пајазити да каже дали е точно дека пренесувал поздрави од Ахмети, и ако да во кое својство глумел курир? – рече Јарески.

Тој упати и прашање до опозициските СДСМ и ДУИ дали знаеле за целата оваа операција на Пајазити и дали го поддржале планот.

– СДСМ да не се крие и да одговори, дали се спотери во сите планови на ДУИ? – праша тој.