ПОВТОРНО ГОРИ ДЕПОНИЈАТА МАУЦКЕР ВО ОХРИД Гори отпад што не се гаси со вода
Екипи на Територијалната противпожарна служба од Охрид ноќеска повторно беа излезени на терен и гасеа пожар на депонијата Мауцкер, што се наоѓа на самиот влез во градот.
Пожарот сѐ уште не е целосно изгаснат, а над депонијата сѐ уште може да се забележи чад.
Можеби ќе ве интересира
Слична интервенција пожарникарите од Охрид имаа и пред десетина дена, кога исто така гореше отпад на депонијата.
Како што посочуваат од ТТПЕ Охрид, причина за избувнувањето на пожарот е човечки фактор, а гаснењето тешко се одвива зашто се работи за опожарен материјал што мошне тешко се гаси со вода, односно потребна е интервенција со механизација за затрупување на опожарените делови од ѓубрето.