„НЕМА ДА ЗАПРАМ ТУКА, ЌЕ ОДАМ ДО КРАЈ“ Судот ѝ го врати синот на Северина

Само дваесет дена по одлуката на Врховниот суд, кој ја прифати ревизијата и ја поништи одлуката на Жупанискиот суд во Сплит поврзана со заедничкото старателство на Северина Вучковиќ и Милан Поповиќ над нивниот син, а старателството целосно му го врати на таткото, повторно се случува пресврт, пишува „Слободна Далмација“.

Според изворите на хрватскиот медиум, на седницата одржана на 6 февруари годинава, Жупанискиот суд во Сплит практично ја повторил претходната конечна одлука според која таткото и мајката на 12-годишното момче се обврзани „родителската грижа да ја спроведуваат заеднички и еднакво“.

Поради оваа одлука се огласи и хрватската пејачка.

– Не очекував дека Судот во Сплит толку бргу ќе ја донесе новата одлука, зашто досега, во мојот случај, односно во случајот на моето дете се одеше бавно, многу навреди и корупции – рече Северина.

– Сплитскиот суд повторно донесе пресуда како во 2021 година, половина-половина, добро се вратија на тоа, се е подобро од двапати неделно по четири часа, но нема да застанам на тоа – ќе одам до крај. Ќе барам самостално старателство и сигирно ќе продолжам да се борам за сите жени, односно за нивните деца, со кои системот си игра, кои се жртви на системот и на институциите, моќни и немоќни жени – додава пејачката.

Адвокатката на Северина Вучковиќ, Јасминка Билош, гостуваше во Дневникот на телевизија Н1, каде ја прокоментира одлуката на Жупанискиот суд во Сплит, кој ѝ го врати старателството на хрватската пејачка.

Сега Северина заедничко старателство над нејзиниот син Александар, кое ќе го дели со нејзиниот поранешен сопруг Милан Поповиќ.

– Многу сме задоволни што одлуката беше донесена брзо, бидејќи секое чекање ќе ја пролонгираше агонијата. Таа брзина е задоволителна и одлична. Би било одлично да се положат за толку кратко време по секој предмет – рече Билош и продолжи:

– Таа одлука не е она што го побара Северина во таа постапка, ниту е она што го бараше спротивната страна. Всушност, тоа е преиспитување на одлука која е донесена во 2019 година, па поапсурдно е да се разгледуваат некои одлуки и правни мислења и заклучоци кои се донесени многу одамна. Во меѓувреме се сменија многу работи и околности, кои сега се актуелни, но не можат да се применат во времето кога беа донесени. Но, таа е многу среќна што овој дел е запечатен и може да продолжи понатаму“.

Според адвокатката, тоа што овој случај трае толку долго е „катастрофално“.