„ЛЕКУВАЛ“ ВО ГОСТИВАРСКО Лажен лекар од Турција мамел болни луѓе

Турчин на возраст од 33 години вчера е уапсен во гостиварско поради основано со9мение дека лажно се претставувал како медицинско лице и во куќа во селото Врапчиште земал пари од луѓе кои ги „лекувал“ од секакви болести со надрилекарство, соопшти МВР.

„На 08.06.2023 во гостиварско Врапчиште, полициски службеници од ОВР Гостивар го лишиле од слобода М.Ч.(33) од Република Турција. При претрес во куќа во содејство со Државен санитарен и здравствен инспекторат, која ја користел како ординација за надрилекарство, извршен со судска наредба, биле пронајдени и одземени поголема количина на таблети, медицинска документација, пари и друг предмет“.

Турчинот бил задржан во полициска станица и по расчистувањето и документирањето на случајот, против него ќе биде изготвен соодветна пријава.