ДОЈАВИ ЗА БОМБИ ВО 7 УЧИЛИШТА ВО ГАЗИ БАБА Учениците се евакуирани, повикана полиција
„Пријавено е до надлежните институции и очекуваме истите согласно своите надлежности да ги проверат пристигнатите дојави“ - напиша градоначалникот Бобан Стефковски на Фејсбук.
Градоначалникот Бобан Стефковски во објава на својата официјална страна на Фејсбук информира за пристигнати дојави за бомби во 7 училишта на територија на општина Гази Баба.
Во објавата градоначалникот Стефковски напиша:
Можеби ќе ве интересира
„Попладнево во 15:47 часот во општинските основни училишта Наум Наумовски Борче, Крум Тошев, Григор Прличев, Дане Крапчев, Крсте Мисирков, Кирил и Методиј и Наум Охридски се пристигнати дојави за поставени бомби.
Од страна на директорите и наставниот персонал, согласно утврдените протоколи е направена евакуација на сите ученици од зградите на училиштата и сите дечиња се на безбедно.
Пријавено е до надлежните институции и очекуваме истите согласно своите надлежности да ги проверат пристигнатите дојави“ – напиша Стефковски.