ПУШТИ МУСТАЌИ?! А ја прегледа простатата?
Покрај растењето мустаќи, месец ноември е посветен на бројни едукации за ментална поддршка во справувањето со овој тип рак, поддршка во лекувањето, како и ширење на свеста за машкото здравје.
Сѐ почна во ноември 1999 година, кога неколку пријатели од Аделаида, Австралија, се договориле да не ги бричат мустаќите цел еден месец. На облогот кој имал за цел да му даде малку рурален изглед на современиот маж, му се приклучиле околу 30 луѓе и истрајале во својата одлука. Само неколку години подоцна, 2004, во Мелбурн 400 мажи ѝ се приклучија на идејата – тогаш беше формирана и Фондација за собирање пари за истражување на рак на простатата.
„Movember“ („Мовембер”) е спој од два збора – австралиската сленг-кратенка за „мустаќи“ – „mo“ и „November“ (ноември).
Движењето со пуштање мустаќи (а некаде и/или брада) потоа доби и глобален карактер, па сега десетици илјади луѓе ширум светот секоја година се приклучуваат на „Мовембер“. Покрај растењето мустаќи, месец ноември е посветен на бројни едукации за ментална поддршка во справувањето со овој тип рак, поддршка во лекувањето, како и ширење на свеста за машкото здравје.
Успехот на лекувањето при рано откривање на ракот на простата, е голем. Па, затоа, се препорачува мажите постари од 50 години да одат на лекарски преглед барем еднаш годишно, а мажите над 20 години да прават самопреглед два пати годишно.