ПРОТЕСТИРА И ВО ПРИТВОР Организаторот на протестот во Тетово започна штрајк со глад
Бесник Асани, адвокат на Блерим Ахмеди, за Алсат најави дека наскоро до Судот ќе поднесе жалба на одлуката за притвор.
Штрајк со глад започнал Блерим Ахмеди, еден од организаторите на протестот во Тетово против молкот на истражните органи за пожарот во модуларната ковид-болница каде што животот го загубија 14 лица. За ваквата одлука тој ги известил властите на истражниот затвор Шутка, објави Алсат.
Од затворот за телевизијата информираат дека неговата здравствена состојба во моментов е добра. Петмината приведени се сместени во посебни простории поради мерката за изолација за заштита од вирусот.
Пет лица од завчера се во осумдневен притвор од 8 дена.
Бесник Асани, адвокат на Ахмеди, за Алсат најави дека наскоро до Судот ќе поднесе жалба на одлуката за притвор. Тој вели дека ќе побара пристап до целосните докази што ги поседува полицијата и обвинителството, за делата за кои е обвинет неговиот клиент.
Во петокот, се одржа протест против молкот на истражните органи за пожарот во модуларната ковид-болница каде животот го загубија 14 лица.
Ситуацијата ескалираше кога група демонстранти се судри со полицијата која не им дозволи да пристапат до седиштето на ДУИ.
Инаку, притворениот Блерим Ахмеди е од Кичево и досега организирал неколку протести.