ЕУ гради сопствен вселенски штит: „Окото на Саурон“ ќе нѐ штити од напади!

Окото на Саурон и Окото на Один, два системи од сателити, сензори и телескопи ќе ја штитат Европа од евентуални напади од нуклеарки или вселенски летала, а со тоа ЕУ конечно се одметнува и повеќе нема да зависи од Америка во трката за вселенско наоружување, пренесува Епсресо повикувајчќи се на неколку германски медиуми.

Системот истовремено ќе ја истражува вселената, а според германски „Билд“ двете очи (на Саурон и на Один) ќе бидат изработени од две различни германски фирми. Окото на Саурон ќе го изработи „Аријанегроуп“, а другото око го добива германската компанија за вселенска технологија ОХБ од Бремен.

Саурон ќе демне наместо Американците

Но, кои се Саурон и Один? Саурон е познатиот мрачен владетел од трилогијата „Господар на прстените“, чиј „заштитен знак“ е окото што гори. Во случајот на „Аријанегруп“ тоа ќе бидат ракетите и други летала што горат, а кои системот на сензори ќе треба да ги препознава и да алармира за нив. Името произлегло како кратенка од „Сензори за напредна употреба и препознавање на ситуацијата во надворешниот простор“, односно Саурон.

Иако „Господар на прстените“ не била напишана од Германец, туку од Џ.Р.Толкин кој бил Англичанец, таа е инспирана од старогерманските фолклор и легенди. А тука доаѓа и името на второто око. Врховниот старогермански бог се нарекувал Один, и тој бил Бог на војната. Не е чудно што Германија, која е водечка во ЕУ, и во овој проект зема поими од својата историја. Сепак, и Саурон и Один ќе оперираат со софтвер на англиски јазик – официјалниот јазик на ЕУ.

Один е Бог на војната – но, нема да напаѓа?

Како ќе изгледа второто – окото на Один? „Один“ ќе биде систем за рана идентификација на балистички тела и летечки објекти кои се движат со „хиперсонична брзина“. На пример, нуклеарни ракети од Русија или од Кина. Тоа е систем од девет телескопи лоцирани на неколку континенти, вмрежени за да можат да го скенираат целото небо.

– Просторот е критична инфраструктура и затоа сега е важно да се набљудува орбитата на Земјата, на пример, за да се избегнат судири на сателити. Тоа е еден вид на следење на сообраќајот за заштита на европските сателити – вели Пјер Годар, шефот на Аријанегруп за Германија.

Нажалост, ни Саурон, ни Один нема да напаѓаат како што тоа го прават во митовите.

„Очите на Саурон и Один даваат информации – не станува збор за борбени системи. Самиот чин на одбрана од евентуални балистички проектили на тој начин ќе остане прашање на одделни земји на ЕУ, заклучува „Билд“, пишува Дојче веле.