Шокантни тврдења на менаџерот на Бритни Спирс: Ѝ го прислушкуваат телефонот, позајмува мобилни од туѓинци

Сем Луфти, поранешниот менаџер на Бритни Спирс, тврди дека пејачката позајмува телефони од непознати луѓе за да му се јави.

Сем смета дека нејзиниот телефон е под надзор.

„Се случуваше да не се слушнеме со години, а потоа таа ќе се скриеше во орманот и ќе ми се јавеше од нечиј телефон“, рекол Сем за американски магазин. Тој тврди дека проверувањето на нејзиниот телефон е дел од строгото старателство на нејзиниот татко Џејми Спирс.

Луфти за странските медиуми рекол дека Бритни последен пат му се јавила кога била во Калабасас, град во Калифорнија.

„Откако ја спушти слушалката, повторно добив повик од тој број. Ми се јави лекар кој ми кажа дека му е неверојатно тоа што Бритни го позајмила токму неговиот телефон“, раскажал менаџерот.

Сем тврди дека пејачката не ја видел шест години. За американските медиуми рекол дека смета дека старателството на нејзиниот татко влијаело на нејзините размислувања.

Да потсетиме, Бритни на средината на јуни директно му се обрати на судот за контроверзното старателство. Пејачката рече дека го сака својот живот назад и сака да заврши агонијата која трае 13 години на чело со нејзиниот татко.

Судијкаата одговорна за надзор на старателството на Бритни Спирс го одбила нејзиното барање за Џејми Спирс да се отстрани од местото нејзин старател. Деталите од пресудата сѐ уште не се споделени со јавноста.