Деспотовски си оди од Фондот за иновации, Макрадули ќе стане член на УО на „Пошта“
Разрешен е и Александар Младеновски од директорското место во Дирекцијата за технолошко индустриски развојни зони.
Во рамки на новите кадровски решенија за одредени институции и државни претпријатија и друштва владата денеска ги разреши од директори Јован Деспотовски од должноста директор на Фондот за иновации и технолошки развој и Александар Младеновски од директорското место во Дирекцијата за технолошко индустриски развојни зони.
Расрешен е и Никола Шалваринов од должноста директор на Агенцијата за иселеништво. На негово место доаѓа Слободан Близнаковски.
Владата одлучи да го именува Иљми Селами за в.д. заменик на директорот во Државниот завод за статистика, додека Кети Смилевска ја именуваше за в.д. заменик на директорот во Агенцијата за стоковни резерви.
На денешната седница владата предложи Јани Макрадули, досегашен заменик министер за животна средина да биде избран за член на Управниот одбор на АД „Пошта на Северна Македонија“.
Владата го разреши Бајрам Ѓулиовски од в.д. заменик на директорот во Агенцијата за стоковни резерви, а на негово место ја именуваше Кети Смилевска.
Исто така, Јасна Дуковска-Јегени владата ја именуваше за член на Советот за унапредување и надзор на ревизијата–овластен ревизор.
Владата го именува Емил Димитровски за в.д. директор на Управата за наменско производство, а го разреши Дениз Исмаили.
Денеска и Митко Крстевски е разрешен од должноста директор на Управата за семе и саден материјал, а на негово место го именуваше Лутфи Акики.