Пелоси: Трамп не сака да го уништи вирусот

Претседателката на Претставничкиот дом на Конгресот Ненси Пелоси изјави дека американскиот претседател Доналд Трамп се става себеси на прво место „на штета на земјата“ затоа што ги прекина преговорите за нов пакет помош поради кризата предизвикана од пандемијата.

Пелоси рече дека Трамп „ги покажал своите вистински бои“ со стопирање на разговорите меѓу претставниците на Конгресот и Белата куќа, кои имаа за цел договор за усвојување на две илјади милијарди долари нова помош во борбата против коронавирусот.

Таа додаде дека „претседателот во заминување“ не сака да го уништи вирусот и дека ги игнорира потребите на децата и другите Американци. Пелоси истакна дека Белата куќа очигледно „се распаѓа“.

Трамп најави прекинување на преговорите откако се врати во Белата куќа од тридневниот престој во болница, каде се лекуваше од ковид-19.