Фејсбук не дозволи Французин да го пренесува во живо своето умирање
Фејсбук вчера објави дека ќе го блокира обидот на Французин кој боледува од неизлечива болест да ја пренесува својата смрт во живо на неговиот профил на таа социјална мрежа, образложувајќи дека не дозволува објавување на сцена од самоубиство.
Како што пренесува Хина, 57-годишниот Ален Кок планирал да ги пренесува во живо последните денови откако вчера престана да зема храна, пијалоци и лекови.
Можеби ќе ве интересира
Францускиот претседател Емануел Макрон го одби неговото барање да биде евтаназиран, со образложение дека не може да биде над законот.
Французинот има дегенеративно заболување што предизвикува ѕидовите на неговите артерии да се лепат заедно.
Кок објави дека Фејсбук го блокира неговиот пренос до 8 септември.