Фрлено шише со запалива течност во двор од куќа во прилепско Дебреште
Од фрлено стаклено шишето со запалива течност, било оштетено предното ветробранско стакло од патничко возило „фолксваген голф“, со прилепски регистарски ознаки, паркирано во дворот, а опожарени биле и огревни дрва во непосредна близина.
Непознат сторител фрлил стаклено шише со запалива течност вчера во двор од куќа сопственост на С.М.(53) во прилепското село Дебреште.
Можеби ќе ве интересира
Како што соопшти денеска МВР, настанот бил пријавен вчера во 01.30 часот, а од фрлено стаклено шише со запалива течност, било оштетено предното ветробранско стакло од патничко возило „фолксваген голф“, со прилепски регистарски ознаки, паркирано во дворот, а опожарени биле и огревни дрва во непосредна близина. Пламенот го забележале С.М. и неговиот брат, кои го изгаснале огнот.
Извршен бил увид на местото на настанот од увидна екипа на Полициската станица Прилеп. Се преземаат мерки за целосно расчистување на случајот.