Комисијата за заразни болести утре ќе има состанок со скопските градоначалници
Најмногу инфицирани со ковид – 19 има во Скопје, од кои најповеќе се евидентирани во општина Чаир.
Утре се очекува да има состанок на членовите на Комисијата за заразни болести со градоначалниците на скопските општини на кој ќе се разговара за можностите на локалните самоуправи да се вклучат во справувањето во коронавирусот.
Комисијата за заразни болести во петокот излезе со соопштение дека мора на секое ниво да се јакне свеста за превенција од вирусот, а градоначалниците треба посилно да помогнат во справувањето со растечкиот број на заразени од коронавирусот.
Во моментов во државаа има 40 кластери од кои се шири вирусот и според епидемиолозите, тоа е резултат на непочитувањето на мерките за лична заштита, дистанца и избегнување групирања и собири.
Најмногу инфицирани со ковид – 19 има во Скопје, од кои најповеќе се евидентирани во општина Чаир.