Недостатоците во буџетот Саудиска Арабија ќе ги покрива со 58 милијарди долари
Кралството мина низ слични кризи во историјата, можеби дури и полошо и успеа да ги надмине. Оваа криза не е исклучок - рече саудискиот министер за финансии Мухамед ал-Јадаан.
Саудиска Арабија оваа година би можела да позајми дури 58 милијарди долари со цел да ги покрие недостатоците во буџетот предизвикани од падот на цената на нафтата, пренесува „Блумберг“.
– Кралството мина низ слични кризи во историјата, можеби дури и полошо и успеа да ги надмине. Оваа криза не е исклучок – рече саудискиот министер за финансии Мухамед ал-Јадаан.
Сепак, повеќето економски аналитичари забележуваат дека оваа криза со цените на нафтата е за разлика од која било друга во историјата. Единствената комбинација на вишокот во производството и падот на побарувачката од 30 проценти, претставува голем терет врз економиите зависни од нафта ширум светот, па дури и Саудиска Арабија не е исклучена.
„Сауди Арамко“, најголемата светска нафтена компанија, размислува за продажба од 10 милијарди американски долари на дел од својот гасовод.
Бројни економски анализи велат дека Саудиска Арабија се подготвува за неизбежниот удар.
Во март, владата на Кралството побара од државните агенции да го намалат буџетот за најмалку 20 проценти, пренесе „Ројтерс“. Тоа беше пред ОПЕК + да се согласи на намалување на 9,7 милиони барели со надеж дека ќе им помогне во цените. Сепак, тоа не се случи.
Според аналитичар во инвестициска банка со седиште во Египет, саудискиот дефицит би можел да се прошири на 15 проценти од БДП-то, пишува „Блумберг“.