9 ЗЕМЈИ БАРААТ ДОПОЛНИТЕЛНО ВРЕМЕ ЗА ЦЕЛОСНА ПРИМЕНА НА СИСТЕМОТ ЗА ВЛЕЗ И ИЗЛЕЗ ВО ШЕНГЕН Проблем е техничката подготвеност и метежот на граничните премини
Според податоците од Европската комисија од септември, повеќе од 180 милиони влезови и излези биле регистрирани преку EES до почетокот на тој месец, додека околу 60.000 патници биле одбиени на границата
Девет европски земји побараа дополнително време за целосна имплементација на новите биометриски контроли во рамките на EES (систем за влез/излез од Шенген зоната), поради технички проблеми и страв од големи толпи по 6 септември кога престана да важи можноста за суспендирање на системот. Системот официјално е во целосна употреба од 10 април 2026 година.
Франција, Белгија, Германија, Грција, Италија, Малта, Холандија, Португалија и Швајцарија побараа дополнително време за целосна примена на биометриските проверки на одредени гранични точки, особено на прометните аеродроми.
Европската комисија јавно не објави нова формална регулатива со која би се продолжил рокот за сите гранични премини.
Системот официјално е во целосна употреба од 10 април 2026 година, но постоеше период на транзиција во која постоеше можност за привремено суспендирање на регистрацијата на биометриски податоци во вонредни околности, како што се големи толпи. Таа можност важеше до 6 септември 2026 година.
Европската комисија на почетокот на септември објави дека по тој датум е во контакт со земјите-членки каде што се потребни дополнителни прилагодувања на одредени премини.
Главниот проблем со воведувањето на системот беше долгото време на чекање, ограничените капацитети и техничките тешкотии.
Во текот на летото, на одредени аеродроми и копнени граници беа забележани големи толпи бидејќи регистрацијата на патници што влегуваат во EES за прв пат бара дополнително време.
Системот се однесува на граѓани на трети земји кои патуваат за краток престој до 90 дена во кој било период од 180 дена во Шенген зоната, под условите пропишани со правилата на системот. EES ги евидентира нивните влезови и излези и ги поврзува со биометриски податоци. За време на првата регистрација на патниците, се зема фотографија од лицето и отпечатоци од прсти, додека последователните влезови и излези се евидентираат во системот.
Според податоците од Европската комисија од септември, повеќе од 180 милиони влезови и излези биле регистрирани преку EES до почетокот на тој месец, додека околу 60.000 патници биле одбиени на границата. Меѓу нив имало повеќе од 1.700 лица кои, според податоците на Комисијата, претставувале безбедносна закана.