„11 ОКТОМВРИ“ ЗА ВЕНКО АНДОНОВСКИ, ДИМИТАР ПАНДЕВ, ЃУЛУМСЕР КАСАПИ И ВЛАДО ПОПОВСКИ Доделени државните награди за животно дело
Наградите ќе им бидат врачени на 11 октомври 2026 година, на свеченост во Собранието, со почеток во 12 часот.
Државната награда „11 Октомври“ за 2026 година им се доделува на писателот Венко Андоновски и на професорите Димитар Пандев, Ѓулумсер Касапи и Владо Поповски за животно дело во областа на културата, уметноста, науката и образованието.
Одборот за доделување на државната награда „11 Октомври“ одлучи Андоновски да биде награден за животно дело во областа на културата и уметноста.
Во областа на науката и образованието, наградата им се доделува на лингвистот Димитар Пандев, универзитетската професорка Ѓулумсер Касапи и професорот Владо Поповски, доктор по историски, политички и правни науки.
Наградата „11 Октомври“ е највисоко државно признание за животно дело во областа на науката, уметноста, стопанството и другите дејности од јавен интерес.
Наградите ќе им бидат врачени на 11 октомври 2026 година, на свеченост во Собранието, со почеток во 12 часот.
венко андоновски, димитар пандев, ѓулумсер касапи, владо поповски, 11 октомври, државна награда, награди, култура, наука, образование, уметност