ЗАГИНАА 5 АЗЕРБЕЈЏАНСКИ МОРНАРИ ВО УКРАИСКИ НАПАД ВРЗ РУСКИ БОДОВИ Според Киев пловилата краделе украинско жито и пренесувале оружје и гориво
Украина соопшти дека нејзини беспилотни летала погодиле 5 бродови во пристаништата Мариупол и Бердјанск на Азовското Море, како и во крајбрежните води на украинските територии кои се под руска контрола.
Петмина азербејџански државјани загинаа, а тројца се повредени во напад врз 2 товарни брода во Азовското Море, соопшти Министерството за надворешни работи на Азербејџан.
Одговарајќи на прашање за пловните објекти погодени во Таганрошкиот Залив, Министерството наведе дека екипажите биле составени од вкупно 25 азербејџански државјани, но дека бродовите не биле во сопственост на Азербејџан.
Претходно денеска Украина соопшти дека нејзини беспилотни летала погодиле 5 бродови во пристаништата Мариупол и Бердјанск на Азовското Море, како и во крајбрежните води на украинските територии кои се под руска контрола.
WATCH: Aftermath of Ukrainian drone strike that killed five Azerbaijani sailors on a ship in Azov Sea overnight. https://t.co/dLUefLlDXo pic.twitter.com/NiEuaJ1ABE
— Clash Report (@clashreport) June 5, 2026
Командантот на украинските сили за беспилотни системи, Роберт Бровди, изјави дека украински дронови погодиле товарни бродови и еден танкер кои, според него, биле вклучени во „кражба“ на украинско жито и во транспорт на воена опрема и на гориво.
Тој додаде дека имињата на пловните објекти биле прикриени, а нивните радари исклучени.
Заменик-министерот за надворешни работи на Русија, Михаил Галузин, ја обвини Украина за нападите врз товарните бродови и изрази сочувство до семејствата на загинатите азербејџански морнари.
– Многу добро знаеме која држава користи дронови, и воздушни и поморски, за напади врз цивилни бродови во Црното Море и во Средоземното Море. Тоа е, така да се каже, добро позната држава – изјави Галузин.
Azov dənizində azərbaycanlıların olduğu gəminin vurulma anı paylaşılıb #Azov #Sea pic.twitter.com/Q2EzsiLaJx
— Xalqnews (@Xalqqazeti) June 5, 2026
‼️ I media azeri pubblicano le conseguenze degli attacchi di droni nazisti ucraini su una delle navi cargo che sono state attaccate nella baia di Taganrog nel Mar d’Azov👹 pic.twitter.com/iJEZcIwCX4
— Valentina 🇧🇬🇷🇺🇮🇹🧱 (@ValentinaMihay5) June 5, 2026