ЗАЕВ И ФИЛИПЧЕ ДОБИВААТ АПЛАУЗ ВО ГРЦИЈА Ципрас се заблагодарува, Коѕијас ракоплеска (ВИДЕО)
Сакам, бидејќи ми се дава можност, не ми беше во план, но тука се пред мене, сакам да им се заблогодарам и на Зоран Заев и на Никос Коѕијас, што ја водевме битката, што им се спротивставивме на притисоците, што ја направивме нашата патриотска должност, рече лидерот на СИРИЗА, а притоа Заев, Филипче и Коѕијас, кој седеше до нив станаа од столчињата.
Поранешниот премиер Зоран Заев и некогашниот министер за здравство Венко Филипче синоќа добија громгласен аплауз во Грција, каде седеа до Никос Коѕијас во првите редови на Конгресот на СИРИЗА, партијата на Алексис Ципрас, а тој во еден момент од својот долг говор ги поздрави и им се заблагодари за потпишувањето на Преспанскиот договор.
– Сакам, бидејќи ми се дава можност, не ми беше во план, но тука се пред мене, сакам да им се заблогодарам и на Зоран Заев и на Никос Коѕијас, што ја водевме битката, што им се спротивставивме на притисоците, што ја направивме нашата патриотска должност – рече лидерот на СИРИЗА, а притоа Заев, Филипче и Коѕијас, кој седеше до нив станаа од столчињата.
Заев мафна со раката кон публиката.
Ципрас, претходно во говорот, рече дека е горд што Преспанскиот договор го потпишале по секоја цена.
– Горди сме што верувавме и го реализиравме, по секоја цена историскиот Договор од Преспа. Што не отстапивме и покрај притисоците и денес знаеме дека го сторивме правилното за земјата. Нашата патриотска должност. Договор кој ја врати европската перспектива на регионот кој акумулираше опасни тензии, оставајќи простор за засилување на трети сили на нашата северна граница. А неговата порака, во овие денови на војна е уште поактуелна, како порака за мир и солидарност на народите на континентот кој помиува низ голгота е од ужасите на војната – заклучи тој.