Сопругата на холандскиот амбасадор во Либан им подлегна на повредите – седела покрај сопругот дома во време на експлозијата
Масовната експлозија во Бејрут предизвика огромна штета на холандската амбасада, при што биле повредени и уште четири други лица.
Сопругата на холандскиот амбасадор во Либан, Хедвиг Волтманс-Молиер, почина денеска од повредите со кои се здоби во експлозијата којашто во вторникот се случи во пристаништето во Бејрут – соопшти холандското Министерство за надворешни работи.
– Хедвиг Волтманс-Молиер (55) била повредена додека седела покрај нејзиниот сопруг, амбасадорот Јан Волтманс, во дневната соба во нивната куќа во Бејрут – соопштија од Министерството.
Масовната експлозија во Бејрут предизвика огромна штета на холандската амбасада, при што биле повредени и уште четири други лица.
Повеќе од 60 лица сѐ уште се водат како исчезнати во Бејрут, четири дена по експлозијата во пристаништето, во која загинаа повеќе од 150 лица – изјави денеска портпаролот на либанското Министерство за здравство.
Тој прецизираше дека имало 154 смртни случаи, а идентитетот на 25 од нив се уште не е утврден.
Според податоците од вчера на Министерство за здравство, најмалку 120 од 5.000 повредени се во критична состојба.